【新蒲崗】去茶餐廳食飯，最重視既野？ - 肥仔銘茶餐廳

今時今日，去一間茶餐廳食飯，你最重視既係咩？食物質素？環境裝修？

都係！

不過香港人可能會多一個答案，老闆既良心。

呢家既香港，所有同消毒有關既野都好缺貨，或者畀人炒到好貴。而居然係呢間茶餐廳到仲可以放支酒精搓手液係枱面畀人用～

而鋪面亦都有唔同既擺設令人食得身心舒暢既～

肥仔銘呢度有一樣野係必食，就係呢度既特製極品XO醬，勁香勁可口。用撈麵既形式黎食比係湯麵更加正！

餐廳資料
店名：肥仔銘茶餐廳
地址：新蒲崗錦榮街9號地舖